Sunday, October 22, 2017

ලෝකාස්වාද රතිය


අපට 10  ශ්‍රේනියේ (1982) සිංහල ඉගැන්නුවේ ගුණතුංග ටීච​. කොල්ලෝ ගුණතුංග ටීචව ඔරොප්පු කරන නිසා ටීචට පන්තියේ නිතරම මළ පැනලා හිටියේ. ඒ කාලේ අපිට තිබුනා උම්මග ජාතකය සිංහල වලට. මේ පොතේ තැනක තියනවා වේදේහ රජතුමා ලෝකාස්වාද රතියේ යෙදුනා කියලා. කොල්ලන්ට මේ වචනේ තේරුම සහසුද්දෙන් දැනගන්න ඕන වෙලා තිබුනා. ගුණතුංග ටීච පන්තියට ආවම සකලසූරිය  ගුණතුංග ටීච ගෙන් ඇහුවා  ටීච මොකක්ද ලෝකාස්වාද රතිය කියන්නේ කියලා.  ටීචට ඒකට මළ පැනලා සකලයාට බැණගෙන බැණගෙන ගියා. පස්සේ කොල්ලෝ මේ වචනයේ තේරුම ඒ කාලයේ ඕනම කුණුහරපයක තේරුම දන්න බොරැල්ලෙ වේළුවන පාරේ හිටපු ලාල් රූපතුංග ගෙන් ඇහුවා. ලාල් කිව්වා ලෝකාස්වාද රතිය කියන්නේ සූස්තියක් ගහන කොට තියන සොමිය කියලා. ඔන්න ඔහොමයි අපි  උම්මග ජාතකය ඉගන ගත්තේ. 

Saturday, October 21, 2017

Friday, October 20, 2017

සුසිරිත් ඔබට සුවදායක විශ්‍රාම දිවියක්


මහාචාර්ය සුසිරිත් මෙන්ඩිස් මහතා රුහුණු විශ්ව විද්‍යාලයෙන් විශ්‍රාම  යන ලදි. අප එතුමාට සුභ පතමු.  එතුමාගේ සමහර ගෝලබාලයන් මෙන් අතිශයෝක්තියෙන් බොරුවට ගුණ වැයීම පසෙකලා කරුණු දෙකක් පිලිබඳව අවධානය යොමු කිරීමට කැමැත්තෙමු. 

පළවන කාරනය නම් 2012 වසරේදී රුහුණ සරසවියේදී බරපතල ලෙස නවක වධයට ලක්වූ වත්සලා කුමුදුනි නම් සිසුවියට එවකට රුහුණ සරසවියේ උප කුලපතිවූ  මහාචාර්‍ය සුසිරිත් මෙන්ඩිස්  සාධාරණය ඉටු කලේ නැත​. ඒ පිලිබ්ඳව ගාඩියන් පුවත් පත විසින් වාර්තා කරන ලදි.  ( වත්සලා කුමුදුනි ද සිල්වාට යුක්තිය ඉටු කරනු !  මානව අයිතිවාසිකම්, විශේෂාංග, ශ්‍රී ලංකාව July 26, 2012January 24, 2015  ශ්‍රී ලංකා ගාර්ඩියන් January 24, 2015
https://www.slguardian.org/si/archives/1803) 

දෙවැන්න නම් එතුමා වැනි උගතෙකු කිසිම හිරිකිතයක් වෘත්තීය අභිමානයක් නොමැතිව සාමාන්‍ය පෙළ දක්වා අධ්‍යාපනය තිබෙන විමල් වීරවංශ වැනි දේශපාලකයෙකුගේ දෙපතුල් ලඟ වැඳ වැටීමය​. 

කෙසේ නමුත් මහාචාර්‍ය සුසිරිත් මෙන්ඩිස් මහතා ඉතිහාසයට එක්වී හමාරය​. ඉතිහාසය විසින් ඔබව විනිශ්චය කරනු ඇත​. 

සුසිරිත් ඔබට සුවදායක විශ්‍රාම දිවියක් 


නාරද කරුණාතිලක


නාරද කරුණාතිලකව මට හඳුන්වා දෙන ලද්දේ මහාචාර්‍ය සෝමරත්න බාලසූරිය විසිනි.   නාරද එක්තරා ආකාරයක ඉතිහාසඥයෙකි. ඔහු අප සැමදෙනා දන්නා සංස්කරණය කරන ලද ඉතිහාසයෙන් එහාට ගොස් ඉතිහාසකරුවන් විසින් සඟවන ලද හෝ කාලයේ වැළි තලාවෙන් යටවී තිබෙන ඉතිහාසය මතුකර ගැනීමේ සමතෙකි.  ඔහු කොලට් සේනානායක මහතා සමග එක්වද පොත් රැසක් ලියා තිබේ.  නාරද කරුණාතිලකව දැනට රිවිර ඉරිදා පුවත් පතේ ජේෂ්ඨ විශේෂාංග කර්තෘ ලෙස සේවය කරයි. 

නාරද ගේ පියා රාජ්‍ය සම්මාන දිනූ ප්‍රකට ලේඛකයෙකි. ඔහු විසින් ලියන ලද ගුරුවරයා යනු උත්තම පුරුෂයෙකි, උළුගෙදර ආරච්චිල, කානුවගොඩ ගෙදර යන කෘතීන් ඉතා ජනප්‍රිය විය​. නාරදගේ මවද ලේඛිකාවකි. එසේම ඔහුගේ සොහොයුරිය වන මානෙල් කරුණාතිලකද  ලේඛිකාවකි. කරුණාතිලක පවුල ලේඛක පවුලක් ලෙස හැඳින්වූවාට වරදක් නොමැත​. 

නාරද කරුණාතිලක මාගේ කල්‍යාණ මිත්‍රයෙකු ලෙස මම සලකමි. ලංකාවෙන් බැහැරව ජීවත් වන  නිසා මට මාගේ පොත් මුද්‍රණයේදී නිසි සම්බන්ධීකරණය කිරීම අපහසු අතර එම සම්බන්ධීකරණය කර දෙන්නේ නාරද විසිනි. ඔහු ලේඛකයෙකු ලෙස මෙලෙස අනෙකුත් ලේඛකයන්ට උදව් කරන්නෙකි. එය ඉතා විරළ ගුණයකි. 

 අප දෙදෙනාගේ මිතුදම 2006 වසරේ සිට පවතින අතර අරුමයකට මෙන් අප දෙදෙනා තවමත් මුහුණට මුහුණ මුණ ගැසී නොමැත​. අප දෙදෙනා එකිනෙකා සමග ගනුදෙනු කරන්නේ ඊ ලිපි මගිනි. කෙසේ නමුත් යම් දිනක මේ යහපත් මිනිසා මට මුහුණට මුහුණ හමු වන බව මට විශ්වාසය. 

 වෛද්‍ය රුවන් එම් ජයතුංග 

Thursday, October 19, 2017

සංගීතය රස විඳීම

ලතින් ඇමෙරිකානුවන් තුළ උත්පත්තියෙන් මෙන් අත්පත් කර ගත් නර්තන විලාශයක් තිබේ. ඇතැම් විට මෙය ඔවුන් ගේ ජාන දක්වා පැතිරී ඇති බව කිවහොත් නිවැරදිය​. . වරක් මම කොළඹ විශ්ව විද්‍යාලයේ නීති පීඨයේ පැවැති නර්තන සාදයකට සහභාගි වූයෙමි. නර්තනය පටන් ගෙන පැය භාගයක් යාමට පෙර බීමතින් පැමි‚ සිසුහු පිරිසක් —අඩෝ අපට ඕනේ සිංහල සිංදු˜ කියමින් ගායකයාට අසභ්‍ය වචනයෙන් බැණ වැදී විශාල ස්පීකරයක් පෙරළා දැමූහ. ඒ සමඟ ම සාදය අවසන් විය. 

යුරෝපයේ මෙවැනි සිද්ධීන් ඉතා විරල ය. සාදයක දී නර්තනයේ යෙදීම ඔවුනට අසභ්‍ය දෙයක් නො වේ. එය ආතතිය මඟ හරවා සිතේ ඒකාග්‍රතාව රඳවා ගැනීම සඳහා ඔවුන් යොදා ගනිති. වෛද්‍ය පීඨයේ ඉගෙනුම ලැබූ කාලයේ අපට වෝල්ට්ස්, බැලේ සහ බෝල්රූම් නර්තනයේ යෙදීමට සවස් කාලයේ පන්ති ද තිබු‚. විදේශික සිසු සිසුවියෝ සංගීතයත් සමග නටති. ප්‍රීති වෙති. එතැන ගහ මරා ගැනීමක්, කුණු හරුප කීමක් දක්නට නො ලැබේ. මෙයට හේතුව ලෙස මා දකින්නේ ඔවුන් තුළ පවත්නා සංස්කෘතික දියුණුවයි. ඔවුහු ඕනෑ ම බසකින් වාදනය කරන සංගීතය ප්‍රිය කරති. වරක් අපගේ වෛද්‍ය පීඨයේ පැවති සාදයකදී අප්‍රිකානු සහ ලතින් ඇමරිකානු සිසු සිසුවියන් පිරිසක් ක්ලැරන්ස් ගේ වේග රිද්ම ගීයකට නටනවා මම දුටුවෙමි. ඔවුන්ට සංගීතය වටහා ගැනීමට තරම් උච්ච මානසිකත්වයක් තිබේ.

(මිනිසුන් තුලින් ලෝකය දුටුවෙමි )

Find Us On Facebook